நினைவுகள்
நீ நினைத்தால் நீள் விழி நீந்தும்
இன்பக்காட்சியாய் நாளும் மாறும்
நிதம் மாறிடும் காட்சி மாறி
நினைவெலாம் நிறைந்த உன்றன்
எதிரிலே காட்சியாகும் 
காட்சியின் மாட்சி என்றும் 
இரண்டிலே ஒன்றைக்காணல்
இதயங்கள் ஒன்றிவிட்டால்
நினைவுகள் ஒன்றித்தழுவும்
ஒன்றுதல் ஒன்றே அன்பின் உயர்நிலை
அதனால் நாமும்
நினைவினை நீட்ட வேண்டா
நிதம் நிதம் ஒன்றி உயிராய்
மாந்துவோம் இன்பத்தேனை
அன்பினால் உலகை வெல்வோம்
இளம்பரிதியன்